„ნეტგაზეთისა“ და „ბათუმელების“ დაპატიმრებულმა დამფუძნებელმა, მზია ამაღლობელმა დღევანდელი სასამართლო პროცესიდან წერილი გაავრცელა.
„არა და არ ვეთანხმები ბრალს. უკანონო პატიმრად მივიჩნევ თავს. საბედნიეროდ, ჩვენს სამშობლოში დიქტატურამ საბოლოოდ ფეხი ვერ მოიკიდა. ამიტომ მჯერა, მეც და სინდისის პატიმრებიც შევძლებთ ჩვენი უდანაშაულობის დამტკიცებას“, – აღნიშნულია წერილში.
წერილს სასამართლო დარბაზიდან „ნეტგაზეთი“ ავრცელებს.
შეგახსენებთ, ის 11 იანვარს, ბათუმში დააკავეს. ბათუმის საქალაქო სასამართლომ მას აღკვეთის ღონისძიების სახით პატიმრობა შეუფარდა.
მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მას 4-დან 7 წლამდე პატიმრობა ემუქრება.