ცხოველთა დამცველი ტასო ლოსაბერიძე სოციალურ ქსელში წერს, რომ ბოლო დღეების ყინვას მიუსაფარ ცხოველები ეწირებიან და მათ ჩვენი დახმარება სჭირდებათ.
“გუშინ ეს ძაღლი გაიყინა
ღამე გარეთ -5 ყინვაა და მიუსაფარი ცხოველები ვეღარ უძლებენ, გთხოვთ დაეხმარეთ ამ რამოდენიმე დღის გადატანაში მათ საერთოდ არაფერი გააჩნიათ რომ თავი გადაირჩინონ როგორმე.
არ აუკრძალოთ შემოსვლა სადარბაზოებში, ოფისებში, პირველი სართულის აივნებზე (ფისოებმა იციან ამოხტომა) და ვისაც შეგიძლიათ 1 ღამე მაინც გაათევინეთ სახლში. მაქსიმალურად შეიფარეთ სადაც შეგიძლიათ ეს უბედურები.
ასევე, კარგად გამოკვებილი ცხოველი ინარჩუნებს ტემპერატურას და არ იყინება, 1 კარგი დანაყრება რამოდენიმე დღის სიცოცხლეს აჩუქებს მიუსაფარ ცხოველს.
ვალდებული არავინ არ არის გიჟდებოდეს ცხოველებზე, მაგრამ ვალდებული ვართ იმაში რომ ადამიანობა გაგვაჩნდეს და ამ რთულ პერიოდში დავეხმაროთ მათ, ვისაც ყველაზე მეტად სჭირდებათ”- წერს ტასო ლოსაბერიძე.