საქართველოს ეროვნული ბანკის საბჭომ ერთხმად გადაწყვიტა, რომ საბჭოს წევრი ნანა ყეინიშვილი გადაწყვეტილებების შემუშავებისა და მიღების პროცესში მონაწილეობას აღარ მიიღებს.
📄 ეროვნული ბანკის განცხადებით, გადაწყვეტილება ძალაში იქნება ნანა ყეინიშვილთან დაკავშირებით გენერალური პროკურატურის მიერ გამოძიების დასრულებამდე და „ობიექტური ჭეშმარიტების დადგენამდე“.
„ეროვნული ბანკის საბჭოს მაღალი რეპუტაციული სტანდარტიდან გამომდინარე, საბჭომ გადაწყვიტა, რომ ნანა ყეინიშვილი არ უნდა იღებდეს მონაწილეობას საბჭოს მიერ გადაწყვეტილებების შემუშავებისა და მიღების პროცესში“, – ნათქვამია 9 ოქტომბერს გავრცელებულ განცხადებაში.
ვრცელი საგამოძიებო სტატია, რომელშიც გაიგებთ, როგორ სთხოვა ეროვნული ბანკის საბჭოს წევრმა ნანა ყეინიშვილმა კრიპტომატების მსხვილი კომპანიის მფლობელს ბიზნესის წილი და სანაცვლოდ მფარველობა და გაფართოებაში დახმარება შესთავაზა დღეს, 9 ოქტომბერს, გამოქვეყნდება.