მწერალი დავით გორგილაძე სოციალურ ქსელში პოსტს ავრცელებს, რომლითაც
აეროპორტში სალომე ზურაბიშვილზე განხორციელებულ თავდასხმას, კერძოდ კვერცხების სროლის ფაქტს ეხმაურება.
“დიქტატორებს სიმბოლიზმი იტაცებთ.
მათი სისუსტეა.
იცით, როდის მოკლეს ანნა პოლიტკოვსკაია?
ჰო, კი, პუტინის დაბადების დღეზე.
ასე მიულოცეს პატრონს 54 წლის იუბილე.
ასეა, ზოგის საამებლად ტყვიებს ესვრიან მოწინააღმდეგეებს, ზოგის გასახარებლად კი – კვერცხებს.
არჩევანი, მგონი, ისევ ჩვენზეა: მადლობა ვთქვათ, რომ მაკაროვის იარაღის ნაცვლად ხელში კვერცხები უჭირავთ, თუ ღირსეული ქვეყანა გვქონდეს, სადაც ადამიანებს სხვანაირი საჩუქრები ახარებთ”- წერს დავით გორგილაძე.