მასწავლების ეროვნული ჯილდოს მფლობელი, ლადო აფხაზავა, რომელიც სასამართლომ 5 000 ლარით დააჯარიმა მოსამართლის სახლთან მზია ამაღლობელის სოლიდარობის აქციის გამართვისთვის, გამოცემა “ბათუმელებთან“ ამბობს, რომ ჯარიმისთვის თანხა 5 8000 პედაგოგზე მეტმა ადამიანმა გადაურიცხა.
“საოცრება ხდება ჩემს თავს. არ ვიცი საიდან ამხელა სოლიდარობა, ძლივს შევძელი და მარტო დავითვალე რამდენი ლარნახევარი იყო ჩარიცხული, რადგან ვიცოდი, რომ ვინც ლარნახევარს ჩარიცხავდა, ყველა პედაგოგი იქნებოდა.
5 800 პედაგოგზე მეტია უკვე, რომლებმაც 1.50 ლარი ჩარიცხა. ამის გარდა, კიდევ, მეცხრეკლასელებისთვის რაღაც ტკბილეული ვიყიდე და რომ ვნახე, ამის შემდეგ, კიდეც ათი ტრანზაქცია იყო გაკეთებული.
ჯარიმას მეც გადავიხდი და შეიძლება სხვასაც გადავუხადო. ალბათ ჟურნალისტებს დავეხმარები, რომლებიც თავიანთი კოლეგების გამო, ძალიან მყარად იდგნენ იქ, სასამართლოში” . – თქვა მასწავლებელმა ლადო აფხაზავამ გამოცემა “ბათუმელებთან“.