საზოგადოებრივ მაუწყებელზე 40 წელი იმუშავა. დღეს ჟურნალისტობა სხვაგან უწევს, ერთ-ერთ რადიოში თოქშოუ “აქტიური დრო” მიჰყავს. ამბობს, რომ პარალელურად უცხოელებთანაც თანამშრომლობს.
საზოგადოებრივ მაუწყებელზე მიმდინარე ამბები სულაც არ უკვირს და ამ ყველაფერზე გულახდილად გვესაუბრება. ტელეჟურნალისტი დოდო შონავას შვილზე, ვასილ ივანოვ-ჩიქოვანზეც ვკითხეთ, ჟურნალისტზე, რომელიც მაუწყებლის ხელმძღვანელს ღიად დაუპირისპირდა და ამ ეტაპზე “მოამბის” წამყვანობიდან ჩახსნილია.
– ქალბატონო დოდო, როგორ აფასებთ იმ პროცესებს, რაც ახლა ქვეყანაში მიდის?
– ცოტა შორიდან დავიწყებ და ჩემი გამოცდილებიდან გეტყვით, როგორ მზადდებოდა ის, რაც ბოლო სამ თვეში ჩამოყალიბდა. პოლიტიკური თვალსაზრისით, 2009 წელსაც, კრიზისული მდგომარეობა იყო, ასეთი საშინელი არა, მაგრამ მიახლოებული.