7 თებერვალს, ღამის 23:00 საათიდან 8 თებერვლის 17:00 საათამდე ჩუღურეთის რაიონის მცხოვრებლებს წყალმომარაგება შეეზღუდება, – ამის შესახებ განცხადებას „ჯორჯიან უოთერ ენდ ფაუერი“ ავრცელებს.
როგორც გავრცელებულ განცხადებაშია აღნიშნული, წყალმომარაგების შეზღუდვის მიზეზი წინამძღვრიშვილის ქუჩაზე მაგისტრალური მილის მოძველებული და ამორტიზებული მონაკვეთების შეცვლა იქნება.
„7 თებერვალს, ჯორჯიან უოთერ ენდ ფაუერი ჩუღურეთის რაიონში, წინამძღვრიშვილის ქუჩა N106-ის მიმდებარედ წყალმომარაგების სტაბილურობის მიზნით მაგისტრალურ ქსელზე სარეაბილიტაციო სამუშაოებს ჩაატარებს.
სამუშაოების ფარგლებში, წინამძღვრიშვილის ქუჩაზე მაგისტრალური მილის მოძველებული და ამორტიზებული მონაკვეთები შეიცვლება, პარალელურად წინამძღვრიშვილისა და კონსტიტუციის ქუჩების კვეთაზე ქსელზე ახალი ჩამკეტ-მარეგულირებელი ურდული მოეწყობა.
კომპანიის ტექნიკური ჯგუფები, მოსახლეობისთვის ნაკლები დისკომფორტის შექმნის მიზნით, სამუშაოების ძირითად ნაწილს ღამის საათებში, ინტენსიურ რეჟიმში შეასრულებენ.
აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 7 თებერვალს, ღამის 23:00 საათიდან 8 თებერვლის 17:00 საათამდე წყალმომარაგება შეეზღუდება:
წინამძღვრიშვილის ქუჩას, აღმაშენებლის გამზირს სრულად, ჭოროხის, სუნდუკიანის, ტყვიავის, მაზნიაშვილის, კიევი, რომის, ზ.ქურდიანის, გოგიბერიძეს, ტოლსტოის, ჯავახიშვილის, უზნაძის, დ.აბაშიძის, სანქპეტერბურგის, ს.წერეთლის, ხეთაგუროვის, სულიაშვილის, თოიძის, ნ.ჩხეიძის, გამცემლიძის, კუმისის, ანთელავას, სანთლის, ახვლედიანის ხევი, წმ.ნიკოლოზის, ორბელიანის, სულხანიშვილს, მტკვრის, ტელეგრაფის, ბარათაშვილიs N2-N14(ლუწები), ათონელის და გოგჩის ქუჩებს. კარგარეთელის, კახიძეს, პასტერის, კლდიაშვილის, ლებანიძეს, ჩიქობავას N8ს, მარჯანიშვილის 3-ის კორპუსია, N16, N28, სანაპიროს, ბაქოს, პუშკინის, კოტე აფხაზის, დიუმას, თამარ მეფის N6ს, ტოლსტონოგოვის, გოგუთურ აგლაძის, უშანგი ჩხეიძის, ზურაბ ჭავჭავაძის, ტეტელაშვილის, გორკის, ბარათაშვილის, ფურცელაძის, სანაპიროს ქ. წმინდა ნიკოლოზის, დიდხევის, ქურდიანის, ვეკუას, ფხოვის ქუჩებს.
ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის“, – ნათქვამია ინფორმაციაში.