“მთავარი არხის” ინფორმაციით, გდდ-ის ოპერატიული დაგეგმვის სამმართველოს ყოფილი უფროსის, ირაკლი შაიშმელაშვილის ძმა სამსახურიდან გაათავისუფლეს.
ბაჩა შაიშმელაშვილი ლაგოდეხის მერიაში ოპერატორად მუშაობდა. მას ჯერ ერთთვიანი ხელშეკრულება გაუფორმეს, დღეს კი გაათავისუფლეს.
შეგახსენებთ, ირაკლი შაიშმელაშვილმა გდდ-ისა და ქვეყნის დატოვების შემდეგ, რეჟიმის მამხილებელი არაერთი განცხადება გააკეთა. მან საქართველო გასული წლის 26 დეკემბერს ოჯახთან ერთად დატოვა და აშშ-ში გაემგზავრა.