ფრანგულმა გამოცემა Francebleu-მ „პსჟ“-ის ქართველი ახალწვეულის, ხვიჩა კვარაცხელიას შესახებ დაწერა.
„კვარაცხელია მარცხენა ფლანგზე თამაშობს, თუმცა ლუის ენრიკეს გუნდში არაერთ პოზიციას დაიკავებს. რეიმსთან ბოლოსკენ მინდორზე ბარკოლა შემოვიდა, ხვიჩა კი იმ მომენტში ფლანგიდან შუაში გადავიდა და ფლეიმეიქერი გახდა.
ამ ფეხბურთელთან ერთად პარი სენ-ჟერმენი მეტად არაპროგნოზირებადი გახდა. კვარაცხელია პსჟ-ის მომდევნო თამაშის ყურების სურვილს აჩენს“, – აღნიშნავს Francebleu.
შეგახსენებთ, ხვიჩას დებიუტი პარიზულ კლუბში 25 იანვარს, „რეიმსის“ წინააღმდეგ შედგა. ქართველმა შემტევმა პირველივე თამაშში საგოლე გადაცემა გააკეთა.