შინაგან საქმეთა სამინისტრომ თბილისის საზოგადოებრივ ტრანსპორტში აუდიოჩანაწერების გავრცელების ფაქტზე გამოძიება დაიწყო.
გავრცელებული ინფორმაციით, მომხდარზე გამოძიება სისხლის სამართლის კოდექსის 284-ე მუხლით მიმდინარეობს, რაც კომპიუტერულ სისტემაში არამართლზომიერ შეღწევას გულისხმობს.
შეგახსენებთ, დღეს სოციალურ ქსელში გავრცელდა კადრები, რომლებიც ასახავს, რომ საზოგადოებრივი ტრანსპორტის გადახდის აპარატებიდან ყველასთვის ცნობილი პოლიტიკური განცხადებები ისმის.
ამასთან დაკავშირებით, თბილისის მერიის ტრანსპორტისა და ურბანული განვითარების სააგენტომ განცხადება გაავრცელა, რომლის მიხედვითაც, საზოგადოებრივ ტრანსპორტში დამონტაჟებულ აპარატებზე კიბერშეტევა განცხორციელდა.