ხვალ, ლიგა 1-ის მე-19 ტურში „პსჟ“ „რეიმსს“ დაუპირისპირდება.
პარიზულ კლუბში საქართველოს ნაკრების ლიდერის, ხვიჩა კვარაცხელიას დაბიუტისკენ არა მხოლოდ ქართული, არამედ მთლიანად ევროპის საფეხბურთო ყურადღებაა მიპყრობილი.
„პსჟ“-ს მთავარმა მწვრთნელმა, ლუის ენრიკემ წინასამატჩო პრესკონფერენციაზე განაცხადა, რომ ვარჯიშებზე გამოჩნდა, რომ ხვიჩა გუნდს კარგად შეეწყო, ის ფიზიკურად კარგად გამოიყურება და სათამაშოდ მზად არის.
დიდი ალბათობით, კვარაცხელია ხვალ პირველად მოირგებს პარიზული კლუბის 7-ნომრიან მაისურს. შეხვედრა თბილისის დროით 00:05 სთ-ზე დაიწყება.