ლეგენდარულმა ქართველმა ფეხბურთელმა, რევაზ ჩელებაძემ Euro-Football-თან ინტერვიუში საქართველოს ნაკრების ამჟამინდელი ლიდერის, ხვიჩა კვარაცხელიას „პსჟ“-ში გადასვლის შესახებ ისაუბრა.
„ხვიჩა პსჟ-ში ბედნიერი იქნება. ის მხოლოდ ფეხბურთზე იფიქრებს და ყველაფერ დანარჩენს დაივიწყებს. ოქროს ბურთის კენჭისყრაში ის უფრო მაღალ პოზიციებზე იქნება და ვფიქრობ, რომ ორ-სამ წელიწადში ამ პრიზსაც მოიგებს. მთელ მსოფლიოს დაანახვებს თავის ძალას როგორც საფრანგეთში, ისე ჩემპიონთა ლიგაზე.
ახლა ჩემპიონთა ლიგაზე უფრო მეტი თამაშია და ხელს ესეც შეუწყობს. ასე რომ, მას ნამდვილად ექნება შანსი, რომ თავი საერთაშორისო დონეზე გამოიჩინოს და არა მხოლოდ საფრანგეთის ჩემპიონატში. ასევე, არ დაგავიწყდეთ ნაკრებში თამაშიც.
შესაბამისად, ხვიჩა ყოველთვის იქნება ყურადღების ცენტრში“.
შეგახსენებთ, კვარას დებიუტი პარიზულ კლუბში 25 იანვარს, „რეიმსის“ წინააღმდეგ უნდა შედგეს. ის „პსჟ“-ში 7-ნომრიან მაისურს მოირგებს.
ხვიჩას ანაზღაურება წელიწადში 9 მილიონი, პლუს 2 მილიონი ბონუსები იქნება.