„ეხო კავკაზას“ ცნობით, აზერბაიჯანში „მაიმუნის ყვავილით” ინფიცირების პირველი შემთხვევა დაფიქსირდა.
აღნიშნული მედია წერს, რომ პაციენტი ჰოსპიტალიზებულია და სტაციონარულ მკურნალობას გადის.
აზერბაიჯანის ჯანდაცვის სამინისტროს მიერ გავრცელებული ინფორმაციის თანახმად, აზერბაიჯანის 22 წლის მოქალაქე მიმდინარე წლის 2-დან 11 იანვრამდე საზღვარგარეთ ტურისტულ მოგზაურობაში იმყოფებოდა. დაბრუნებიდან რამდენიმე დღეში ის ბაქოს კლინიკაში სისუსტის, სიცხის, სასქესო ორგანოს ბუშტუკოვანი გამონაყარის, გადიდებული ლიმფური კვანძების და კუნთების ტკივილის ჩივილით მივიდა.