“მხოლოდ სასმელების გამო არ ბინძურდება გარემო, პლასტმასის ნაწარმი არის ქიმიაში, მედიცინაში, პარფიუმერიაში – თუ ერთი ნაწარმი ამოიღე და მეორე დატოვე, არ მგონია ეს სწორი“, – ამის შესახებ „ბიზნესპრესნიუსს“ ბიზნესმენმა თემურ ჭყონიამ განუცხადა.
ინფორმაციისთვის, მთავრობის დადგენილებით 2027 წლის 1-ელი თებერვლიდან აიკრძალება პლასტმასის ბოთლებში სასმელების წარმოება (გარდა ექსპორტის მიზნით), იმპორტი და ბაზარზე განთავსება. აკრძალვა არ გავრცელდება 3 ლიტრი და მეტი მოცულობის სასმელ წყალზე, ასევე 20 ლიტრი და მეტი მოცულობის სასმელებზე (არაალკოჰოლური და ალკოჰოლური, გამაგრილებელი და სხვა).
როგორც თემურ ჭყონიამ ჩვენთან საუბრისას აღნიშნა, მსგავსი ტიპის აკრძალვები ევროპის არც ერთ ქვეყანაში არ არის. მისი თქმით, ევროპაში განვითარებულია ნარჩენების გადამამუშავებელი ინდუსტრია, რაც საქართველოში უნდა გაკეთდეს.
„ამ დადგენილების საფუძველი არის ის, რომ პლასტმასის ნაწარმი, რომელიც არის სურსათთან შეხებაში, გარემოს დაბინძურების ერთ-ერთი პროდუქტიაო. რა თქმა უნდა, ეს მართალია, მაგრამ მხოლოდ სასმელების გამო არ ბინძურდება გარემო, პლასტმასის ნაწარმი არის ქიმიაში, მედიცინაში, პარფიუმერიაში – თუ ერთი ნაწარმი ამოიღე და მეორე დატოვე, არ მგონია სწორი. არალოგიკურად მეჩვენება, თუ ქიმიის ნაწარმი დატოვე და წყალი ამოიღე… ამასთანავე, მარტო პლასტმასი არ აბინძურებს გარემოს.
„ევროპის ქვეყნებში არსად აკრძალული არ არის“