„ნეტგაზეთისა“ და „ბათუმელების“ დაპატიმრებული ხელმძღვანელი, მზია ამაღლობელი, ციხიდან წერილს ავრცელებს.
„ფაქტი, რომელიც მოხდა და ბრალი, რომელიც მაქვს, რეპრესიული, მტრული, სიძულვილით გაჟღენთილი, ადამიანის და სიტყვის გამოხატვის თავისუფლების წინააღმდეგ მიმართული პროცესების შედეგია. პროცესების, რომელიც ბოლო ერთი წელია ვითარდება და ჩვენს ყოველდღიურ ცხოვრებაში შემოდის როგორც დიქტატურა“, – მზია ამაღლობელი ციხიდან.
შეგახსენებთ, გუშინ ბათუმის საქალაქო სასამართლომ ამაღლობელს პატიმრობა შეუფარდა.
მას ბრალი სისხლის სამართლის კოდექსის 353-ე პრიმა მუხლის პირველი ნაწილით წარუდგინეს, რაც პოლიციელზე თავდასხმას გულისხმობს. მუხლი 4-დან 7 წლამდე პატიმრობას ითვალისწინებს.
მზია ამაღლობელი ბათუმში, 11 იანვარს, აქციაზე დააკავეს.