პროფესორი გიორგი ფხაკაძე სოციალურ ქსელში ქართველ ექიმთა ნაწილს აკრიტიკებს.
“საზღვარგარეთ ექიმთან რომ შედიხარ კაბინეტში, წესით ასეა, რომ უკან ექიმს აქვს ის სერთიფიკატები და დიპლომები, რაც აქვს მიღებული. ექიმი ამით ამაყობს. შენ იცი, რომ ეს ადამიანი ვაუუუ… ექიმს ასეთი კედელი უნდა ჰქონდეს, რაც უფრო მეტი სერტიფიკატი აქვს, მით უკეთესი, გამოცდილია და ა.შ. საქართველოში ექიმთან რომ შევდივარ, ერთი დიპლომი არ უკიდია, მაგრამ ხატებითაა სავსე. ექიმი ზის და ექიმის უკანაა ხატების შპალერი. მეორე ექიმთან შევდივარ თავისი სასანთლეებით და სანთლებსაც ანთებენ, გეგონება რომ ეკლესიაში ხარ. ექიმის კაბინეტში დიპლომების, სერტიფიკატების, ხარისხების ნაცვლად, არის ხატები. თუ რამე ხატი არსებობს, ყველა ხატია იქ – გემო, ზომა, წონა. ექიმთან რომ მიდიხარ, წესით, რისი იმედი უნდა გქონდეს? გამოცდილია, ნასწავლია და შესაბამისად, ამ გამოცდილებით გადაგარჩენს. ამ ექიმებს, ალბათ, ერთი დიპლომი აქვთ 15 წლის წინ რომ დაამთავრეს და იმის მეტი წიგნი არ წაუკითხავთ და მარტო ხატის იმედზე არიან. წარმოგიდგენიათ 21-ე საუკუნეში ექიმთან რომ მიდიხართ და ექიმი ხატის იმედზეა და არა საკუთარი გამოცდილების, სწავლისა და განვითარების იმედზე”, – აცხადებს ფხაკაძე.