საქართველოში ბოლო დღე-ღამეში კორონავირუსით 79 პაციენტის გარდაცვალების ფაქტს მუსიკოსი მაია დარსმელიძე “ფეისბუქის” პირად გვერდზე შემდეგი სახის პოსტით ეხმაურება:
“ჩემს უზრდელობას ვინც განიხილავთ ხოლმე, დღეს 79 ადამიანი დაიღუპა! 79!!!
გუშინ 58, გუშინწინ 60… და ამ ყოველდღიური კატასტროფის ფონზე ვიღაც რუსული პროპაგანდით ტვინგამორეცხილი *ლე (რომელსაც *უი ზნაეტ, რის საფუძველზე მიაჩნია თავი ჭკვიანად) რომ პოსტავს “აცრები რომ დაიწყო – სიკვდილიანობამაც მაშინ იმატა”, მიდით და სცადეთ მის დეზინფორმაციულ მავნებლობაზე არ გაცოფდეთ და კორექტულად შეუსწოროთ, რომ “რაღაცა ეშლება”…. თან იმ მოცემულობაში, სადაც ამ დეზინფორმაციის მსხვერპლი ცხვრები პირველ კომენტარს ან სათაურს იქით არაფერს კითხულობენ,” – წერს დარსმელიძე სოციალურ ქსელში.
ცნობისთვის, საქართველოში კორონავირუსის 4 128 ახალი შემთხვევა გამოვლინდა. ამის შესახებ ინფორმაცია დაავადებათა კონტროლის ეროვნული ცენტრის გვერდზე განთავსდა.
ქვეყანაში ბოლო 24 საათში 5 611 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 79 პაციენტი.
ბოლო 24 საათში ქვეყანაში ჩატარდა 43 653 ტესტი.
ქვეყანაში კორონავირუსის გამოვლენის დადებითობის მაჩვენებლებია: ბოლო 14 დღის – 10.77%, ბოლო შვიდი დღის – 10.51%.
საქართველოში კორონავირუსით ინფიცირების სულ 532 171 შემთხვევაა გამოვლენილი, მათგან 468 917 გამოჯანმრთელდა, 7 028 კი გარდაიცვალა.
სულ აცრილია – 1 065 848 ადამიანი, დღიურად აცრილია 26 700. სრულად აცრილია 331 736, ხოლო ერთი დოზით აცრილია 734 112.
ამასთან, 25 აგვისტოს მონაცემებით, საქართველოში კორონავირუსის 5 021 ახალი შემთხვევა გამოვლინდა, გამოჯანმრთელდა 5 041 პაციენტი.
კომენტარები
0 კომენტარები
