ვახო სანაიას საქმეზე ბრალდებულების მიმართ გამოტანილ განაჩენთან დაკავშირებით ჟურნალისტი ნანუკა ჟორჟოლიანი “ფეისბუქის” პირად გვერდზე წერს:
“მცირეწლოვან შვილთან ერთად მყოფ ვახო სანაიას რომ თავს დაესხნენ, ის ადამიანები თავისუფლები არიან. მოსამართლემ ასე გადაწყვიტა. მერე გიკვირთ რატომ ბედავენ მედიაზე თავდასხმას ნაძირლები,” – წერს ჟორჟოლიანი სოციალურ ქსელში.
“ფორმულას” ტელეწამყვან ვახო სანაიაზე თავდასხმაში ბრალდებულებმა – ვაჟა გიგაურმა, სულიკო საყევარაშვილმა და გიორგი სახელაშვილმა გლდანის მე-8 სასჯელაღსრულების დაწესებულება უკვე დატოვეს. მათ ციხესთან ოჯახის წევრები და ახლობლები დახვდნენ.
თბილისის საქალაქო სასამართლოს მოსამართლემ სანაიაზე თავდასხმაში ბრალდებული სამივე ბრალდებული პირი დამნაშავედ ცნო და მათ 6 თვიანი პატიმრობა შეუფარდა, თუმცა პატიმრობის ვადა დღეს ამოიწურა. შესაბამისად, მოსამართლის მიერ მიღებული გადაწყვეტილების შესაბამისად, დღესვე გათავისუფლდა,
შეგახსენებთ, ეომ სამართალდამცავებმა ვახო სანაიას მიმართ, მისი პროფესიული საქმიანობის გამო განხორციელებული დევნისა და დისკრიმინაციის ნიშნით შეუწყნარებლობის მოტივით მუქარის ფაქტზე 3 პირი დააკავეს. მათ ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით, 151-ე მუხლის პირველი ნაწილით და 126-ე მუხლის პირველი ნაწილით წარედგინათ.
კომენტარები
0 კომენტარები
