Sky Sport Italia – ს ცნობით, საქართველოს ნაკრებისა და „ნაპოლის“ ლიდერმა, ხვიჩა კვარაცხელიამ, ტრავმა მოიშუშა და ის, სავარაუდოდ, 12 იანვარს „ვერონასთან“ თამაშს შეძლებს.
„უახლესი ამბები „ნაპოლის“ ლაზარეთიდან: მატეო პოლიტანო, მატიას ოლივერა და ხვიჩა კვარაცხელია ტრავმებს იშუშებენ. პოლიტანოს სურს, „ვერონასთან“ მოედანზე დაბრუნდეს, მაგრამ ჯერ ექიმების საბოლოო დასკვნას ელოდება.
კარგი ამბავია ანტონიო კონტეს გუნდის ორი წევრის შესახებ. მატიას ოლივერა თავს უკეთ გრძნობს. გაუმჯობესების ნიშნები დაეტყო ქართველ ხვიჩა კვარაცხელიასაც, რომლის ტკივილი კონტროლს ექვემდებარება. ანტონიო კონტე და მისი შტაბი გადაწყვეტს, „ვერონასთან“ რომელი ითამაშებს“, – აღნიშნულია ინფორმაციაში.