“რას ნიშნავს ეს? ჩვენ ვერ გვყოფნის შეგნება? მაშინ, კანონის ძალამ გვაგრძნობინოს…” – თიკა ფაცაცია

მომღერალი და ტელეწამყვანი თიკა ფაცაცია “ფეისბუქის” პირად გვერდზე დღევანდელ კოვიდსტატისტიკას ეხმაურება და რეგულაციების კიდევ უფრო გამკაცრებას ითხოვს:

“10 დღე გავიდა იმ ახალი შეზღუდვებიდან და მაინც 6 000 შემთხვევაა…. რას ნიშნავს ეს? ასე ვერ წავალთ კლებაში ინფიცირების, სანამ რეგულაციების უმკაცრესი კონტროლი არ განხორციელდება… ჩვენ ვერ გვყოფნის შეგნება? მაშინ კანონის ძალამ გვაგრძნობინოს და მიგვითითოს. სამწუხაროდ “თავის-უფალი” ყველა სხვადასხვანაირია და ნებისმიერი თავყრილობა და ხალხმრავლობა დროებით და იძულებით უნდა შეიზღუდოს, ორი კვირით მაინც რომ ამოისუნქოს პირდაპირი და გადატანითი მნიშვნელობით ყველამ და ყველაფერმა. საინტერესოა, თქვენ რაში ხედავთ სწრაფ გამოსავალს,” – წერს თიკა ფაცაცია სოციალურ ქსელში.

ცნობისთვის, საქართველოში კორონავირუსის 5 924 ახალი შემთხვევა გამოვლინდა. აღნიშნული ინფორმაცია დაავადებათა კონტროლის ეროვნული ცენტრის გვერდზე განახლდა.

ქვეყანაში ბოლო 24 საათში 4 777 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 60 პაციენტი.

ბოლო 24 საათში ქვეყანაში ჩატარდა 47 288 ტესტი. მათ შორის ანტიგენის სწრაფი ტესტით – 35 185, „პისიარ“ ტესტით – 12 103.

ქვეყანაში კორონავირუსის გამოვლენის დადებითობის მაჩვენებლებია: დღიური -12,53%, ბოლო 14 დღის – 10,93%, ბოლო 7 დღის – 10,72%.

საქართველოში კორონავირუსით ინფიცირების სულ 523 022 შემთხვევაა გამოვლენილი, მათგან 458 265 გამოჯანმრთელდა, 6 891 კი, გარდაიცვალა.

სულ აცრილია – 1 010 096 ადამიანი, დღიურად აცრილია 30 067. კარანტინის რეჟიმშია 116, სტაციონარში მეთვალყურეობას 7 410 ადამიანი გადის, კლინიკურ სასტუმროში იმყოფება 3 320 პირი.