საპატრიარქო ადასტურებს, რომ ილია მეორეს მიმართვა მონტაჟია და არა წელს ჩაწერილი ვიდეო.
ვიდეო აღარ იძებნება ფეისბუკზე გვერდზე, „საქართველოს საპატრიარქოს საზოგადოებასთან ურთიერთობის სამსახური“, – სადაც ის პირველ იანვარს გამოქვეყნდა, თუმცა ამ დრომდე კვლავ იძებნება ფეისბუკ გვერდზე, სახელად „საქართველოს საპატრიარო (ოფიციალური გვერდი)“.
როგორც საპატრიარქოს საზოგადოებასთან ურთიერთობის სამსახურის ხელმძღვანელი, ანდრია ჯაღმაიძე სოციალურ ქსელში წერს, “რადგან ასეთი სახის დამოტაჟებული იყო, ვიდეო არ დევს მათი სამსახურის გვერდზე.“
პატრიარქის საახალწლო მილოცვასთან დაკავშირებით ზოგი ადამიანი “საპატრიარქოს საზოგადოებასთან ურთიერთობის სამსახურს” იხსენიებს აუგად.
დეტალურ ახსნებს ვერ დავიწყებ რიგი მიზეზების გამო, უბრალოდ სიმართლე იმაში მდგომარეობს, რომ არაფერი ამასთან არც მე პირადად და არც სამსახურს არ აკავშირებს.
ამასთანავე, რადგან ასეთი სახის დამოტაჟებული იყო, ვიდეო არ დევს ჩვენი სამსახურის გვერდზე. მიმაჩნია, მინიმუმ მითითებული უნდა ყოფილიყო, რომ ეს არის მონტაჟი და არა ორიგინალი“, – წერს ჯაღმაიძე.
შეგახსენებთ, რომ საპატრიარქოს მიერ გავრცელებულ ილია მეორეს ვიდეოს აჟიოტაჟი მოჰყვა. მოქალაქეების ნაწილი ირწმუნებოდა, რომ მილოცვა ახალი არ არის და პატრიარქის სიტყვები წინა წლების მილოცვის ტექსტიდანაა ამოღებული და დამონტაჟებული. ეს ყველაფერი კი საზოგადოებას უმყარებს განცდას, რომ პატრიარქი შეუძლოდაა და ამის დაფარვა საპატრიარქომ ვიდეოს გაყალბებით სცადა.
რა ჩანს ვიდეოში: კადრები საპარტრიარქოს მისაღებ დარბაზშია გადაღებული. კადრში ჩანს ილია მეორე, თუმცა წინა წლების ვიდოებისგან განსხვავებით, არ ჩანს, რომ ის საუბარობს, ისმის მხოლოდ მისი ხმა. ხმის ინჟინრებმა აუდიორედაქტორებმა შეადარეს 2024 წლისა და 2025 წლის მისალოცი ვიდეოები – დაადარეს სიტყვები, ხმის ტემპი – ამ აუდიომასალის სინქრონულად გაშვებამ კი დაადასტურა, რომ 2024 წლის მილოცვის ტექსტი და ხმა იდენტურია იმ ხმის და ტექსტის, რაც 2025 წლის ვიდეოში ისმის.