მწვანილი, მწვანე ლობიო, ბადრიჯანი, პომიდორი – ეს იმ პროდუქტების მცირე ჩამონათვალია, რომლებიც 2024 წლის დეკემბერში წინა წლის ანალოგიურ პერიოდთან შედარებით ყველაზე მეტად გაძვირდა. ამასთან, ფასებმა მოიმატა ნირზე, კივზე, კომბოსტოსა და ა.შ.
2024 წლის დეკემბერში ყველაზე მეტად გაძვირდა:
მწვანილი – 117.5%
ნიორი – 46.27%
ბადრიჯანი – 45.59%
მწვანე ლობიო – 43.78%
პომიდორი – 31.22%
კივი – 28.78%
ქორწინების 958 სინჯის ოქროს ბეჭედი – 28.35%
კომბოსტო – 25.99%
თვითმფრინავით მგზავრობა – 23.39%
კიტრი – 21.21%
საქსტატის მონაცემებით, 2024 წლის დეკემბერში წინა თვესთან შედარებით ინფლაციის დონემ საქართველოში 0.7 პროცენტი, ხოლო წლიური ინფლაციის დონემ 1.9 პროცენტი შეადგინა – ამის შესახებ აღნიშნულია საქსტატის ანგარიშში.
რაც შეეხება საბაზო ინფლაციას, აღნიშნულმა მაჩვენებელმა 2024 წლის დეკემბერში, გასული წლის შესაბამის პერიოდთან შედარებით 2.3 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი ასევე 2.3 პროცენტით განისაზღვრა.
წყარო: bpn.ge