წინა წლებისგან განსხვავებით, ახალი წლის ღამეს საზოგადოებრივი ტრანსპორტის სამუშაო საათები არ შეიცვლება – ინფორმაციას “რადო თავისუფლება” არვცელებს.
მეტრო 00:00 საათზე დაასრულებს მუშაობას და არც ავტობუსების სამუშაო განრიგი იცვლება.
როგორც თბილისის მერიის სატრანსპორტო სამსახურში უთხრეს რადიო თავისუფლებას, წელს, შარშანდლისგან განსხვავებით, საზოგადოებრივი ტრანსპორტის სამუშაო დროის გახანგრძლივება გათვალისწინებული არაა, ვინაიდან გალაკონცერტი არაა დაგეგმილი.
მერიის სატრანსპორტო სამსახურის ინფორმაციით, მეტრო 03:00 საათამდე იმუშავებს 6 იანვრის ღამეს, როცა საქართველოს მართლმადიდებელი ეკლესია შობას აღნიშნავს. 6 იანვრის 00:00-დან 7 იანვრის 03:00 საათის მონაკვეთში მეტროთი მგზავრობა უფასო იქნება.
ცნობილია, რომ მოქალაქეები რუსთაველის გამზირზე აპირებენ ახალი წლის შეხვედრას. “ახალი წლის ჯადოსნური საპროტესტო ღამე” ნაწილია პროევროპული საპროტესტო აქციების უწყვეტი ციკლისა, რომელიც თბილისსა და საქართველოს სხვადასხვა ქალაქში 28 ნოემბრიდან მიმდინარეობს.
წყარო: radiotavisupleba.ge