“დაუჯერეთ ძვირფასო ფოთელებო, თქვენზე უკეთ იცნობს!” – ასე ეხმაურება სოციალურ ქსელში POSTV -ს ხელმძღვანელი შალვა რამიშვილი ჟურნალისტ თამარ ჩერგოლეიშვილის დაწერილს იმის შესახებ, რომ “გიგი უგულავას ნდობა არ შეიძლება”.
“ამ კაცის ნდობა არ შეიძლება. ჩემი სიტყვა იმ ფოთელებს, ვინც მე მენდობა,” – დაწერა ჩერგოლეიშვილმა “ფეისბუქზე”, პოსტის კომენტარებში კი დასძინა -“ეგ არის სისულელე, ყველაფრის მკადრებელ უპიროს რომ წარადგენ, პრაგმატულობაზე მელაპარაკო, მაშინ როცა ნდობის კრიზისია ქვეყანაში. არასანდოა, მატყუარაა და ამის სიტყვებს ფასი არ აქვს. ფულს რაშიც გადაუხდიან, იმას გააკეთებს – მნიშვნელობა არ აქვს, პარტნიორისთვის მოულოდნელად ზურგში დანის ჩარტყმა დასჭირდება, თუ ეშმაკთან გარიგება.”
შეგახსენებთ, რომ თვითმმართველობის არჩევნებზე ფოთში ოპოზიციის კანდიდატი გიგი უგულავა იქნება.მანამდე ვრცელდებოდა ინფორმაცია, რომ კანდიდატებად თინა ბოკუჩავა და ბექა ბასილაია განიხილებოდნენ. გიგი უგულავა თვითმმართველობის არჩევნებზე “ნაციონალური მოძრაობის” სახელით წარსდგება, მიუხედავად იმისა, რომ პარტიის წევრი არ არის.
კომენტარები
0 კომენტარები
