ჟურნალისტი თამარ ჩერგოლეიშვილი ფოთელების საყურადღებოდ “ფეისბუქის” პირად გევრდზე წერს, რომ გიგი უგულავას ნდობა არ შეიძლება.
“ამ კაცის ნდობა არ შეიძლება. ჩემი სიტყვა იმ ფოთელებს, ვინც მე მენდობა,” – წერს ჩერგოლეიშვილი სოციალურ ქსელში, პოსტის კომენტარებში კი დასძენს: -“ეგ არის სისულელე, ყველაფრის მკადრებელ უპიროს რომ წარადგენ, პრაგმატულობაზე მელაპარაკო, მაშინ როცა ნდობის კრიზისია ქვეყანაში. არასანდოა, მატყუარაა და ამის სიტყვებს ფასი არ აქვს. ფულს რაშიც გადაუხდიან, იმას გააკეთებს – მნიშვნელობა არ აქვს, პარტნიორისთვის მოულოდნელად ზურგში დანის ჩარტყმა დასჭირდება, თუ ეშმაკთან გარიგება.”
შეგახსენებთ, რომ თვითმმართველობის არჩევნებზე ფოთში ოპოზიციის კანდიდატი გიგი უგულავა იქნება.მანამდე ვრცელდებოდა ინფორმაცია, რომ კანდიდატებად თინა ბოკუჩავა და ბექა ბასილაია განიხილებოდნენ. გიგი უგულავა თვითმმართველობის არჩევნებზე “ნაციონალური მოძრაობის” სახელით წარსდგება, მიუხედავად იმისა, რომ პარტიის წევრი არ არის.