შინაგან საქმეთა სამინისტრო ზვიად ხარაზიშვილის, იგივე “ხარებას” “ავერსის” კლინიკაში ყოფნასთან დაკავშირებით განმარტებით კომენტარს აკეთებს და ამბობს, რომ მას რამდენიმე წლის წინ, მხარზე ქირურგიული ოპერაცია აქვს ჩატარებული, რის გამოც, ის პერიოდულად იტარებს გეგმიურ შემოწმებას.
“გავრცელდა სხვადასხვა სახის ცრუ ინფორმაცია განსაკუთრებულ დავალებათა დეპარტამენტის ხელმძღვანელის, ზვიად ხარაზიშვილის ჯანმრთელობის მდგომარეობასთან დაკავშირებით. ზვიად ხარაზიშვილს რამდენიმე წლის წინ, ჩატარებული აქვს ქირურგიული ოპერაცია მხარზე და პერიოდულად იტარებს გეგმიურ შემოწმებას. ასევე, ვარჯიშის დროს, მან მიიღო დაზიანება, რის გამოც “ავერსის” კლინიკაში იმყოფებოდა შემოწმებაზე”, – ამბობენ შსს-ში.
დღეს, ცნობილი გახდა, რომ განსაკუთრებულ დავალებათა დეპარტამენტის ხელმძღვანელი, ზვიად ხარაზიშვილი, იგივე “ხარება“ ჰოსპიტალიზებულია. “ხარება” კვლევების ჩასატარებლად ავერსის კლინიკაში იმყოფებოდა.