რუსთაველის გამზირი ისევ გადაკეტილია – საქართველოს პარლამენტთან შეკრებილი დემონსტრანტები კვლავ ხელახალ არჩევნებსა და საპროტესტო აქციების დროს დაკავებული პირების გათავისუფლებას ითხოვენ.
რუსთაველის გამზირზე მიმდინარე აქციას მსვლელობებით შეუერთდნენ დედაქალაქის სხვადასხვა ლოკაციაზე შეკრებილებიც.
სიტუაციას პარლამენტის მიმდებარე ტერიტორიაზე საპატრულო პოლიცია აკონტროლებს.
თბილისში საპროტესტო აქცია უკვე მე-28 დღეა მიმდინარეობს. მოქალაქეების პროტესტი ხელისუფლების განცხადებას მოჰყვა, რომლის მიხედვითაც, ევროკავშირთან მოლაპარაკებების გახსნის საკითხი 2028 წლამდე დღის წესრიგში არ დადგება.