“ბოდიში მოვუხადოთ, შევინანოთ – ჩვენ მოვწამლეთ ხალხი, რომ კორონა არ არსებობს” – დეკანოზი თეოდორე გიგნაძე

ჩვენ თუ მოვწამლეთ ხალხი იმით, რომ კორონა არ არსებობს, ცრუ პანდემიაა უნდა შევინანოთ. მღვდელი როგორ უნდა აჰყვეს კონსპირაციულ თეორიას?!” – ამის შესახებ დეკანოზ თეოდორე გიგნაძემ 2020 წლის დეკემბერში ქადაგებისას აღნიშნა, რომელიც სოციალურ ქსელში დღეს კვლავ აქტუალური გახდა.

“როგორ უნდა ინტერესდებოდეს მღვდელი კონსპირაციული თეორიებით, როცა ჩვენ ქრისტეს გარდა არაფერი არ უნდა გვაინტერესებდეს. და ჩვენ უნდა ვიცოდეთ, რომ ჩვენი თავიდან ერთი ღერი თმა არ დავარდება ღვთის განგებით. როგორ უნდა ვძრწოდეთ და ვშიშობდეთ, – “ვაიმე, მასონებს რა გეგმა აქვთ” – ეს ეკადრება ქრისტიანს და სასულიერო პირს? – მაგრამ ჩვენ არამარტო ამით ვაცდუნეთ ხალხი, არამედ იმითაც, რომ მათ ვუთხარით, რომ “ჩვენ ყველაზე მაგრები ვართ, ამიტომ ჩვენ არაფერი გვემუქრება” – ეს იყო ყველაზე საშინელება. ამიტომ უნდა გამოვიდეთ, შევინანოთ და ხალხს ბოდიში მოვუხადოთ, როცა ასეთ რაღაცებს ვასწავლიდით,” – ამბობდა დეკანოზ თეოდორე გიგნაძე.