ჟურნალისტი ნანუკა ჟორჟოლიანი “ფეისბუქის” პირად გვერდზე წერს:
“და მაინც, ყოველ ჯერზე როცა ახლობელი, მეგობარი, მნიშვნელოვანი ადამიანი გარდაიცვლება ვამბობ, ნანუკა იცხოვრე ისე, თითქოს ეს შენი ბოლო დღეა და მერე მავიწყდება, მერე აღარ მახსოვს რომ ხვალ შეიძლება აღარ იყოს და ვაგრძელებ დაგეგმვებს.
იმედია ახლა, როცა კოვიდმა ადამიანები უბრალო ციფრებად აქცია, მივხვდები, რომ უნდა დავივიწყო სიტყვები -ხვალ, ზეგ. მთავარია დღეს, აქ, ამ წუთას რა ხდება. რაზე ვდარდობთ, ან რაზე ვჩხუბობთ, ან რაში ვხარჯავთ დროს. არანაირი ხვალ. დღეს! მხოლოდ დღეს,” – წერს ჟორჟოლიანი სოციალურ ქსელში.