ახალციხეში, სოფელ მუგარეთთან მომხდარ ავტოსაგზაო შემთხვევას ორი ადამიანი ემსხვერპლა, ერთი კი მძიმედ დაშავდა – ინფორმაციას გამოცემა სამხრეთის კარიბჭე ავრცელებს.
მომხდარზე გამოძიება დაიწყო სისხლის სამართლის კოდექსის 276-ე მუხლით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
სოფელ მუგარეთთან მომხდარი ავტოსაგზაო შემთხვევის შედეგად დაშავებული მესამე პირის მდგომარეობა მძიმეა. ახალციხის რეფერალურ ჰოსპიტალში მას ოპერაცია ჩაუტარდა.