სამცხე-ჯავახეთის გუბერნატორის მოადგილემ, მომღერალმა ზურა ხაჩიძემ ცოტა ხნის წინ კოვიდ 19 დაამარცხა. ხაჩიძე საჯაროდ ახალციხეში აპირებდა აცრას, თუმცა, ვირუსმა ხელი შეუშალა. აღნიშნულ თემაზე ის ჟურნალ “სარკესთან” საუბრობს:
გთავაზობთ ინტერვიუს ამონარიდს:
“-ზურა, პირველ რიგში კოვიდზე გკითხავთ, როგორ გადაიტანეთ?
– რაც მსმენია ამ დაავადების შესახებ ალბათ მე ყველაზე მარტივად გადავიტანე, ძალიან უსიმპტომოდ. ამ ავადმყოფობამ თავი იმით გამაცნო, რომ ძალიან ამიწია წნევამ და თავის საშინელი ტკივილი მქონდა, მიუხედავად იმისა, რომ ტემპერატურა მაღალი არ იყო, ასეთი ოფლდენა მაღალი სიცხის დროსაც კი არ მქონია.
-ფსიქოლოგიურად როგორ შეხვდით ამ ვირუსს?
-როგორც კი გავრცელდა ინფორმაცია, კოვიდი მქონდა, უამრავი ადამიანი შემეხმიანა და მითხრეს, ფსიქოლოგიურად კარგად უნდა შეხვდე, სულ კარგ ხასიათზე უნდა იყო, რომ გართულებები არ გამოიწვიოსო. ყველა რეკომენდაციას ზედმიწევნით ვიცავდი. წამლებსაც ვიღებდი და, მადლობა ღმერთს ისე იოლად გავიარე, ხანდახან არც კი მჯერა. მოკლედ, კორონას კარგადაც შევხვდი და კარგადაც გავაცილე.
-ალბათ ძალიან ინერვიულებდით, რომ ხათუნას არ გადასდებოდა.
-კი. ეს ძალიან მნიშვნელოვანი იყო, ამიტომაც ბევრს ვნერვიულობდი. როცა უკვე გადამდები ვიყავი, იმ ღამეს სახლში არ დავრჩენილვარ, მეგობართან წავედი. მე და ჩემს მეგობარს ერთად დაგვემართა და ამიტომაც მკურნალობის პროცესიც ერთად გავიარეთ.
– ვაქცინა ატომ არ გქონდათ გაკეთებული?
-დაგეგმილი მქონდა. თან ჩემს რეგიონში, სამცხე-ჯავახეთში უნდა ავცრილიყავი. მინდოდა ეს საჯაროდ გამეკეთებინა, რათა სტიმულის მიმცემი ვყოფილიყავი რეგიონის მოსახლეობისთვის, მაგრამ რამდენიმე დღით ადრე დამიდასტურდა კოვიდი. როგორც კი შესაძლებელი იქნება ვაქცინაცია ჩემთვის, მაშინვე ავიცრები, რადგან მჯერა, რომ პანდემიას მხოლოდ ვაქცინაცია დაასრულებს.”
ინტერვიუს ავტორი: – ავთო ჩიტიძე