საგარეჯოში სავარაუდოდ, ქმარმა ცოლი მოკლა – ინფორმაცია სოციალურ ქსელში ვრცელდება.
“როდემდე უნდა იხოცებოდნენ ქალები, მოძალადე და ავადმყოფი კაცებისგან კიდევ ერთი ოჯახი განადგურდა და გამწარდა საგარეჯოში. დასაჯეთ სამაგალითოდ ცოლის მკვლელი სამუდამო სასჯელით. რა სიმწარეა ღმერთო, შვილები როგორ უნდა გაიმეტო ამ სასჯელისთვის. ქმარი, რომელიც ოჯახურ ძალადობაზე იჯდა, გამოუშვეს 2 წლის შემდეგ და შური იძია, სასტიკად გაუსწორდა და ისე უმოწყალოდ სცემა, რომ დაიღუპა, ორი შვილი დარჩა ” – წერენ საგარეჯოს დახურულ ჯგუფში.
ყოფილი ქმრის მიერ ნაცემი ქალი, მიღებული დაზიანებების შედეგად, საავადმყოფოში გარდაიცვალა – შემთხვევა 11 ნოემბერს საგარეჯოში მოხდა. მაშინ მძიმე მდგომარეობაში მყოფი ახალგაზრდა ქალი თბილისის ერთ-ერთ კლინიკაში გადმოიყვანეს. ის დღეს, 21 ნოემბერს გარდაიცვალა.
არსებული ინფორმაციით, კაცი ცოლზე ძალადობის მუხლით ნასამართლევი იყო და მან საპატიმრო არჩევნების წინ, სავარაუდოდ, ამნისტიით დატოვა. როგორც ოჯახის ახლობლები ყვებიან, ის პოლიციას თავად ჩაბარდა.