ტოკიოს ოლიმპიურ თამაშებზე, ბერძნულ-რომაული სტილით მოჭიდავე ქართველ მძიმეწონოსან იაკობ ქაჯაიას ფინალში გასვლას სამცხე-ჯავახეთის რწმუნებულის მოადგილე, მომღერალი ზურა ხაჩიძე “ფეისბუქის” მეშვეობით ულოცავს და წერს:
“შენ გენცვალე ძმაო! ვისაც გრცხვენიათ ქართველობის ისე იცოდეთ ეს ბიჭი არის და ჭიდაობს ამ ქვეყნისთვის! ამიტომ წინ საქართველოსთვის… მე ვამაყობ და ვარ ამ ქვეყნის შვილი! საქართველო არის ჩემი სამშობლო!
#გეორგია #ესსაქართველოა,” – წერს ხაჩიძე სოციალურ ქსელში, პოსტის კომენტარებში კი დასძენს: – “რა მაგალითს აძლევენ ახლაგაზრდებს ან ამ ბიჭებს ამ ოლიმიდის წინ რას უყიჟინებენ, რომ ეს ქვეყანა სირცხვილია?! ვაი მაგათ პატრონს!!!”
შეგახსენებთ, რომ გუშინ, ბერძნულ-რომაული სტილით მოჭიდავე მძიმეწონოსანმა იაკობ ქაჯაიამ (130) ტოკიოს ოლიმპიადის ნახევარფინალში გაიმარჯვა და ფინალში გავიდა.
ქაჯაიამ ფინალის საგზურისთვის ჩილეს სახელით მოასპარეზე იასმან აკოსტა ფერნანდესი დაძაბულ ბრძოლაში დაამარცხა.
შეხვედრა 1:1 დამთავრდა, ქაჯაიამ კი ქულა უფრო გვიან მოიპოვა და ამით გაიმარჯვა.
ფინალური ბლოკი დღეს გაიმართება. ქაჯაიას მეტოქე ლეგენდარული 38 წლის კუბელი მიაინ ლოპეს მუნიესი იქნება.
დღესვე ასპარეზობაში გიორგი მელია (97) ჩაერთვება, რომლის პირველი მეტოქე უძლიერესი რუსი მოჭიდავე მუსა ევლოევი იქნება.