“9 თვის განმავლობაში, თბილისის მერიამ ჯარიმებით 97 301 400 ლარი მიიღო ჩვენგან… რაც მეტს ვაპატიებთ, მეტს ამოგვაცლიან ჯიბიდან”, – ამის შესახებ კორუფციის მკვლევარი, ირაკლი აბესაძე სოციალურ ქსელში წერს.
“ეს ნიშნავს, რომ საშუალოდ ყოველ დღე 360 ათასი ლარის ჯარიმა იწერებოდა. ყოველ 1 საათში – 15 ათას ლარზე მეტი. მათ შორის, მხოლოდ პარკირების და მანქანის გაჩერების წესების დარღვევისთვის – 25 948 600 ლარი. 2020 წელთან შედარებით ეს ფაქტობრივად სამჯერ გაზრდილია ციფრია – 64 მილიონი ლარით მეტით დაგვაჯარიმეს, ვიდრე 4 წლის წინ. რაც მეტს ვაპატიებთ, მეტს ამოგვაცლიან ჯიბიდან”, – წერს აბესაძე.