“თქვენ ხართ ევროპა! არასდროს დანებდეთ ამ გზაზე! გჯეროდეთ, თავისუფლება გაიმარჯვებს და დემოკრატია მოვა საქართველოში”, – ასე მიმართა ფინეთის პარლამენტის საგარეო ურთიერთობათა კომიტეტის თავმჯდომარემ, იუკა კოპრამ რუსთაველის გამზირზე მიმდინარე აქციაზე შეკრებილ მოქალაქეებს.
“გამარჯობა საქართველო! მოგესალმებით ფინეთიდან. დემოკრატიას სჭირდება თავისუფალი და სამართლიანი არჩევნები და დემოკრატიას სჭირდება ხალხი. აქ ძალიან ბევრ ხალხს ვხედავ. ეს არ არის ჩემი პირველი ჩამოსვლა თბილისში. მე პირველად აქ 1978 წელს ვიყავი, როცა პატარა ბავშვი ვიყავი, როცა საბჭოთა მმართველობა იყო. როცა მე და ჩემი ოჯახი ჩამოვედით თბილისში, აქ, რუსთაველის გამზირზე, დემონსტრაციები იყო. ხალხი აპროტესტებდა საბჭოთა ენის კანონს. ქართველებმა შეძლეს, რომ საბჭოთა მთავრობას უკან დაახევინეს, რომ მას თავისი კანონი უკან წაეღო. თქვენ, ქართველებს, საპროტესტო აქციების კარგი ისტორია გაქვთ. თქვენ ყველაფერი გაქვთ, რაც საჭიროა იმისთვის, რომ დემოკრატია მოუტანოთ თქვენს ქვეყანას. ჩვენ აქ ვართ იმისთვის, რომ დემოკრატიისკენ ამ გზაზე, ევროპისკენ ამ გზაზე მხარი დაგიჭიროთ. თქვენ ხართ ევროპა, ჩვენ ვართ ევროპა. ჩვენ ყველანი ევროპა ვართ. არასდროს დანებდეთ ამ გზაზე. გჯეროდეთ თავისუფალი ევროპის! თავისუფლება გაიმარჯვებს და დემოკრატია მოვა საქართველოში” – განაცხადა ფინეთის პარლამენტის თავდაცვის კომიტეტის წარმომადგენელი იუკა კოპრამ.
“ჩვენ ვართ ევროპა” – პარლამენტის მიმდებარე ტერიტორიაზე საპროტესტო აქცია მიმდინარეობს.ადგილზე თბილისში მყოფი 8 ქვეყნის პარლამენტის საგარეო კომიტეტების თავმჯდომარეებიც იმყოფებიან. ისინი მოსახლეობას სიტყვით მიმართავენ.