ცნობილი ატლანტელი რეპერი ჯეფრი უილიამსი, სასცენო სახელით Young Thug, 2.5-წლიანი პატიმრობის შემდეგ გაათავისუფლეს – ღია საპროცესო შეთანხმების შედეგად, რეპერს 15-წლიანი პირობითი სასჯელი მიუსაჯეს.
ღია საპროცესო შეთანხმების ფარგლებში ატლანტელმა რეპერმა არაერთი ბრალდება აღიარა, მათ შორის, იარაღის ფლობა და ქუჩის კრიმინალური დაჯგუფების ქმედებებში მონაწილეობა.
ამასთან, რეპერმა არ აღიარა რეკეტისა და კორუმპირებული ორგანიზებული დანაშაულში მონაწილეობასა (RICO Act) და კრიმინალური დაჯგუფების ლიდერობა.
2022 წელს იანგ თაგი 20-ზე მეტ ადამიანთან ერთად ჯორჯიის შტატის მიერ რეკეტისა და კორუმპირებული ორგანიზებული დანაშაულის წინააღმდეგ წარმოებული საქმის ფარგლებში დააკავეს.
სასამართლო პროცესი ჯორჯიის შტატის ისტორიაში ყველაზე ხანგრძლივი იყო.
პროკურორები რეპერს სხვა ბრალდებებთან ერთად ქუჩის კრიმინალური დაჯგუფების ლიდერობას ედავებოდნენ, რომელსაც არაერთი დანაშაული, მათ შორის, თითქმის 10 წლის წინ ჩადენილი მკვლელობა უკავშირდება.
პროკურორთა მტკიცებით, რეპერის ლეიბლის, Young Stoner Life Records-ის აკრონიმი YSL ზემოხსენებულ კრიმინალურ დაჯგუფებას Young Slime Life-საც ნიშნავდა.
ღია საპროცესო შეთანხმების ფარგლებში რეპერს, პრობაციის პირველი 10 წლის განმავლობაში ქალაქ ატლანტას მეტროპოლიტენის ზონასთან მიახლოება ეკრძალება.
იანგ თაგს უფლება იქნება ქალაქის ამ ნაწილში ქორწილებზე, დაკრძალვებზე და სხვა მნიშვნელოვან ღონისძიებებზე დასწრების უფლება, თუმცა, ღონისძიების დასრულებიდან 48 საათში რეპერმა აღნიშნული ზონა უნდა დატოვოს.
ასევე, რეპერს ქვეყნის დატოვების უფლებაც ექნება, თუ ეს ვიზიტი მის მუსიკალურ საქმიანობასთან კავშირში იქნება.
ასევე, იანგ თაგს შეთანხმების მიხედვით, ეკრძალება საკუთარ კომპოზიციებში დაჯგუფებების და იარაღის ფლობის წახალისება.
ასევე, მასთან ერთად დაკავებულ პირებთან კონტაქტი [გამონაკლისი ეხება რეპერ Gunna-ს, რომელთანაც იანგ თაგს არაერთი ტრეკი აქვს ჩაწერილი].