ფოტოგრაფიგოგა ჩანადირი სოციალურ ქსელში ესპანეთში არებულ სტიქიას ეხმაურება და ქვეყანაში არსებულ პრობლემებზე წერს.
ამასთან, ჩანადირი აღნიშნავს, რომ ესპანეთის ამ რეგიონში, სადაც წყალდიდობაა, ქართველი ფეხბურთელები იმყოფებიან.
“რამხელა ტრაგედია ტრიალებს ვალენსიაში – წყალდიდობამ დატბორა ქალაქი და მიმდებარე დასახლებები, გარდაცვლილია 70-მდე ადამიანი.
მსგავსი მასშტაბის უბედურება ქალაქს 1957 წელსაც დაატყდა.
ქოჩორა, მამარდა და კიდევ უამრავი ქართველია ამ მხარეში. ისინი კარგად არიან.
ვუსამძიმრებ ესპანელებს.
გამოყენებულია ნიუ-იორკ თაიმსის, ივნინგ სტანდარტის, მონდის, ბიბისის, ეპა-ს ფოტოები”– წერს გოგა ჩანადირი.
უკანასკნელი ინფორმაციით, ესპანეთის სამხრეთ-აღმოსავლეთში მდებარე ვალენსიის რეგიონში წყალდიდობის შედეგად 72–მდე ადამიანი დაიღუპა. ესპანეთში ძლიერი წვიმით გამოწვეულმა წყალდიდობამ და ნიაღვარმა გზები და ხიდები დააზიანა, წაიღო მანქანები და დატბორა ქალაქები. სტიქიის შედეგად ათობით ადამიანი უგზო-უკვლოდ დაკარგულად ითვლება.