პარტია „ქართული ოცნება-დემოკრატიული საქართველოს“ თბილისის მერობის კანდიდატად კვლავ კახა კალაძე დასახელდა.
ანონსი გვიან ღამით გამოქვეყნდა მმართველი პარტიის “ფეისბუქის” ოფიციალურ გვერდზე, სადაც კახა კალაძის სილუეტი იყო გამოსახული.
კალაძემ 2003 წელს თბილისის ივანე ჯავახიშვილის სახელობის სახელმწიფო უნივერსიტეტის ისტორიის ფაკულტეტი დაამთავრა. იყო საქართველოს ნაკრების ყოფილი კაპიტანი. თამაშობდა მარცხენა და ცენტრალურ მცველად. 1996-2012წწ. საქართველოს ფეხბურთის ეროვნული ნაკრების წევრი; 1998-2001წწ. საფეხბურთო კლუბი “დინამო კიევი”; 2001-2010წწ. იტალიური საფეხბურთო კლუბი “მილანი”; 2010-2012წწ. კლუბი “ჯენოა”. 2012-2016 საქართველოს ენერგეტიკის მინისტრი/ვიცე-პრემიერი; 2017 წელს არჩეულ იქნა ქალაქ თბილისის მერად.