კესარია აბრამიძის ოჯახი ავრცელებს პირველ განცხადებას, რომელიც სასამართლო გადაწყვეტილებას შეეხება.
სასტიკად მოკლული ტრანსგენდერი ქალის ოჯახი ბრალდებულ ბექა ჯაიანისთვის უმკაცრეს სასჯელს ითხოვს და ამბობს, რო. მისი შეურაცხადობის და აფექტის მდგომარეობაში ყოფნის არ სჯერათ.
ტრანსგენდერის ოჯახი სასჯელის ზომად და სახედ თავისუფლების უვადო აღკვეთას ითხოვს.
იმ შემთხვევაში, თუ მკვლელობისთვის დაკავებული ბექა ჯაიანი ციხის ნაცვლად ფსიქიატრიულ კლინიკაში გაუშვეს, ტრანსგენდერი ქალის ახლობლები ბოლომდე ბრძოლას აანონსებენ.
შეგახსენებთ,18 სექტემბერს 37 წლის ტრანსგენდერი კესარია აბრამიძე თბილისში, დიდ დიღომში, ავთანდილის ქუჩაზე, საკუთარ ბინაში მოკლული იპოვეს. შსს–ის ინფორმაციით, კესარიას სასიკვდილო ჭრილობა ყელის არეში ცივი იარაღით აქვს მიყენებული. მკვლელობაში ბრალდებული პირი, 26 წლის ბ.ჯ. დაკავებულია, დანაშაული კი 16-იდან 20 წლამდე ან უვადო თავისუფლების აღკვეთას ითვალისწინებს. კესარია აბრამიძე გუშინ სასაფლაოზე დაკრძალეს.