პარლამენტი წინ, სადაც შუქრუთელები პროტესტის 30-ე დღე მართავენ, ერთ-ერთი მოშიმშილე მამაკაცი შეუძლოდ გახდა და საავადმყოფოშია გადაყვანილი.
ამის შესახებ ინფორმაციას ჟურნალისტი მარიამ ნიკურაძე სოციალ ქსელში ავრცელებს.
მისი თქმით, კაცი ჰიპოგლიკემიური იყო და გონება დაკარგა.
შეგახსენებთ, ჭიათურის სოფელ შუქრუთის მცხოვრებლები თითქმის 200 დღეა მაღაროების მმართველი კომპანიის წინააღმდეგ გამოსვლებს მართავენ. სექტემბრიდან პროტესტის ნაწილმა თბილისში, საქართველოს პარლამენტის შენობის წინ გადმოინაცვლა. აქციის მონაწილეები „ჯორჯიან მანგანეზის” საქმიანობის შედეგად სოფელ შუქრუთისთვის მიყენებული ზარალის ანაზღაურებას და ამ პროცესში ცენტრალური ხელისუფლების ჩართვას ითხოვენ. შუქრუთელები ამბობენ, რომ „ჯორჯიან მანგანეზის” მიერ ჩატარებული სამუშაოების შედეგად დაინგრა მათი სახლები, დაზიანდა ნიადაგი, ეზოები და ნაკვეთები და სოფელში ცხოვრება უკვე გაუსაძლისი გახდა.