უხვმა ნალექმა სამეგრელოში პრობლემები შექმნა, ქალაქ ზუგდიდში ადიდებულმა მდინარე ჩხოუშიამ ჩაიკოვსკის ქუჩაზე საფეხმავლო ხიდი დააზიანა, რამდენიმე სოფელში დაიტბორა საცხოვრებელი სახლის პირველი სართულები და საკარმიდამო ნაკვეთები, დაზიანდა ხიდ-ბოგირები.
ადგილზე არსებულ ვითარებას სამეგრელო-ზემო სვანეთის სახელმწიფო რწმუნებული გიორგი გუგუჩია და ზუგდიდის მერი მამუკა წოწერია გაეცნენ. სტიქიის შედეგად მიყენებულ ზარალს შესაბამისი კომისია დაადგენს. ძლიერმა წვიმამ პრობლემები შექმნა წალენჯიხაშიც.
თამარ ბელქანია, წალენჯიხის მერის მოადგილე, სოციალურ ქსელში სტიქიისგან დაზიანებული სახლის ფოტოებს ავრცელებს.