“ხელი ასწია, ძალიან დავიძაბე, მეგონა, რომ დამარტყამდა” – რა ისტორიას იხსნებს ალეშანდრე პატო?

მილანის ყოფილმა ფეხბურთელმა ალეშანდრე პატომ მედიასთან ყოფილ თანაგუნდელზე, კახა კალაძეზე ისაუბრა და საინტერესო ისტორიაც გაიხსენა.

“მილანში ყოფნისას, ერთ-ერთ ვარჯიშზე კალაძემ კინაღამ დამღუპა. ის ძლიერად დამეჯახა და ფეხებში ჩამარტყა. ბრაზილიელმა გუნდელებმა მითხრეს, რომ არ მენერვიულა და თუ ის უხეშად მეთამაშებოდა, მეც იგივე გამეკეთებინა..

ამის შემდეგ, ერთ-ერთ ვარჯიშზე ბურთით კალაძე იყო და საკმაოდ უხეშად წავაქციე. წამოდგა, ჩემკენ წამოვიდა და მეგონა, რომ დამარტყამდა. ხელი ასწია, ძალიან დავიძაბე და ამ დროს მოულოდნელად ცერა თითი მიჩვენა და თქვა “ბუონ ლავორო” – ანუ ყოჩაღ! ეს იყო მენტალიტეტი, რომელიც მილანში სურდათ”, – განაცხადა პატომ.