“გახარია არის მათი (ქართული ოცნების) ჩამოშლის სიმპტომი. ვასაძესაც უთხრეს: აბა, დაახვიე მაქედან, ნუ უშლი ხელს გახარიას, იმიტომ რომ ეს პროექტია ფავორიტი – ამის შესახებ “მთავარი არხის” ეთერში საუბრისას საქართველოს ექს-პრეზიდენტმა მიხეილ სააკაშვილმა განაცხადა.
მისივე თქმით, გახარიას პოლიტიკურ ველზე გამოსვლა რუსული თამაშია და ყოფილი პრემიერი რუსეთის “ახალი ფავორიტია”.
“გახარია არის მათი ჩამოშლის სიმპტომი, თავს ნუ მოვიტყუებთ საქართველოში არის დაფინანსების ორი წყარო: ივანიშვილი და რუსეთი, საკუთარი ფული და ბებიისგან მემკვიდრეობით არის სისულელე. მე მაინც მგონია, რომ გახარია არის რუსული პროექტი, მგონი კი არა, ასეა. ვაშინგტონში ერთ-ორ ისეთ ადამიანს შეხვდა ჩემთვის ნიშანდობლივი იყო და საერთოდ ვაშინგტონში რომ გავარდა ესეც სუფთა რუსული თამაშია, რომ თავისი მარიონეტები გაუშვან ვაშინგტონში და შეახვედრონ გავლენიან ჯგუფებს. რუსული პროექტი იყო თავიდან ბურჯანაძე, მერე გადაერთნენ ირმა ინაშვილზე, ივანიშვილი იყო და იყო, მანამდე პატარკაციშვილი, ისინი დახტიან პროექტიდან პროექტზე. მერე იყო ვასაძე და მერე ვასაძესაც უთხრეს: აბა, დაახვიე მაქედან, ნუ უშლი ხელს გახარიას, იმიტომ რომ ეს პროექტია ფავორიტი”,- განაცხადა სააკაშვილმა “დღის სტუმრის” ეთერში საუბრისას.