MLS-ის მორიგ ტურში “ატლანტა იუნაიტედმა” მაიამის “ინტერს” უმასპინძლა. მატჩი ფრედ, 2:2 დასრულდა. აღნიშნულ შეხვედრაში თავის გამოჩენა საბა ლობჟანიძემ მოახერხა და 56-ე წუთზე თავური დარტყმით გოლი გაიტანა.
ლიონელ მესიმ თამაში სათადარიგოთა სკამიდან დაიწყო და მოედანზე 61-ე წუთზე შევიდა.
შეხვედრის შემდეგ ”ატლანტა იუნიატედის” ქომაგები საბას პერფორმანსს გამოეხმაურნენ:
“ლობჟანიძე საოცარი ბიჭია. მესი სჯობს კარიერა დაასრულო, შენი დიდება საბა ლობჟანიძეს გადაეცა.”
“ლობჟანიძე წარმოუდგენელად მაღალ დონეს გვთავაზობს. აღფრთოვანებული ამ ბიჭის თამაშით.”
“საბა ლობჟანიძემ გენიალურად ითამაშა, ძალიან მაგარი ბიჭია და ვიმედოვნებ, რომ ჩვენთან დიდი ხნით დარჩება.”
“საბამ უკვე მეორედ ანახა ლეო მესის თუ ვინ არის ნამდვილი მეფე. აუცილებლად ასე უნდა განაგრძოს.”
ლობჟანიძის ანგარიშზე მიმდინარე სეზონში 7 გატანილი გოლი და 6 საგოლე პასია. “ატლანტა იუნაიტედი” MLS-ის სატურნირო ცხრილში 32 ქულით მე-11 ადგილს იკავებს. საბას გუნდი მორიგ შეხვედრას 22 სექტემბერს, “ნიუ იორკ რედ ბულზის” წინააღმდეგ გამართავს.
მაიამის “ინტერი” 63 ქულით 1-ელ ადგილს იკავებს. “ფლორიდელები” 21 სექტემბერს
“ნიუ იორკ სიტის” დაუპირისპირდებიან.