საქართველოს პრეზიდენტმა ქართველ ოლიმპიელებსა და პარალიმპიელებს უმასპინძლა.
მიღება ორბელიანების სასახლესთან გაიმართა.
ღონისძიებას ხალხიც ესწრებოდა. პრეზიდენტმა პარიზის 2024 წლის ოლიმპიადის მონაწილეები ღირსების მედლებით დააჯილდოვა.
მან სტუმრათ ყოფნებს სიტყვით მიმართა.
“თქვენ, სპორტსმენებო გამარჯვებულებო თუ მონაწილეებო ერთნაირად გღებულობთ დღეს თქვენი ქვეყნის მოსახლეობა. თქვენ არამხოლოდ დაიმსახურეთ მედლები, ჯილდოები და პრემიები, თქვენ მიიღეთ ბევრად მეტი, ბევრად ძვირფასი, ბევრად მარადიული. ისეთი რამ, რაც ვერაფერში ვერ უნდა იცვლებოდეს და ეს არის ხალხის სიყვარული.” მიმართა პრეზიდენტმა სპორტსმენებს.
ცნობისთვის, საქართველომ პარიზის ოლიმპიადა ჯამში შვიდი მედლით და 24-ე ადგილით დაასრულა საერთო გუნდურ ჩათვლაში.
მთლიანობაში, ქვეყანას ოქროს მედლები მოუტანეს ძიუდოისტმა ლაშა ბექაურმა, მოჭიდავე გენო პეტრიაშვილმა და ძალოსანმა ლაშა ტალახაძემ. ვერცხლის მედლები მოიპოვეს ძიუდოისტებმა ტატო გრიგალაშვილმა და ილია სულამანიძემ, ასევე მოჭიდავე გივი მაჭარაშვილმა. ხოლო მოკრივე ლაშა გურულმა ბრინჯაო მოიპოვა.