წარმატებულ ფეხბურთელს ზურიკო დავითაშვილს სულ მალე საზოგადოება ახალ ამპლუაშიც იხილავს. დავითაშვილი ახალი სეზონიდან სერიალში “ბოლო სეზონი” ითამაშებს. აღნიშნულის შესახებ ინფორმაცია სოციალურ ქსელში ვრცელდება.
ბოლო სეზონი — ქართული სპორტული დრამატული სერიალი. იგი მოგვითხრობს “კრისტალბეთ ეროვნულ ლიგა 2”-ში მოასპარეზე გუნდის, “მიმინო 1919”-ის შესახებ, რომელიც ბოლო სეზონს ატარებს. სერიალის პრემიერა 2023 წლის 5 ნოემბერს გაიმართა. სერიალს მე-2 სეზონი უკვე ოფიციალურად დაუმტკიცეს და მაყურებელი მას 2024 წლის შემოდგომაზე იხილავს.