პრემიერ-მინისტრის, ირაკლი ღარიბაშვილის განცხადებით, ოჯახებისთვის საცხოვრებელი ბინების შეძენის ხელშეწყობის მიზნით ახალ პროგრამას იწყებენ.
მთავრობის მეთაურის თქმით, მრავალშვილიან ოჯახებს, ასევე ოჯახებს, რომელთაც შეეძინებათ შვილი, საშუალება ექნებათ, ისარგებლონ იპოთეკური სესხის სუბსიდირებით და ამით შეიქმნან, გაიუმჯობესონ საცხოვრებელი პირობები.
“რაც მთავარია, ჩვენ არ ვიფარგლებით მხოლოდ ბიზნესის პირდაპირი მხარდაჭერით და ვიწყებთ ახალ პროგრამას ოჯახებისთვის საცხოვრებელი ბინების შეძენის ხელშეწყობის მიზნით”, – განაცხადა პრემიერ-მინისტრმა პარლამენტში, ანგარიშისა და ქვეყნის განვითარების ათწლიანი გეგმის წარდგენისას.
მისივე თქმით, აღნიშნული ინიციატივების უზრუნველსაყოფად მიმდინარე და 2022 წლების პერიოდში დამატებით 300 მილიონ ლარზე მეტი რესურსის მობილიზება მოხდება.
აღნიშნულ ინიციატივას პოლიტიკოს გიგი უგულავა “ფეისბუქის” პირად გვერდზე შემდგნაირი პოსტით გამოეხმაურა:
“ბოლო -ბოლო სესხს ასუბსიდირებენ თუ სექსს ?,”- წერს უგულავა სოციალურ ქსელში, პოსტის კომენტარებში კი დასძენს: – “საქმეზე გადადითო მეცხერე წელს გვითხრეს ძლივს”
187 ნახვა
