15 წლის გოგოს მდგომარეობა, რომელიც დედოფლისწყაროს ცენტრალური პარკის ხელოვნურ ტბიდან უუნო მდგომარეობაში ამოიყვანეს, მძიმეა.
ერთ-ერთი ვერსიით, ხელოვნურ ტბაში ჩასულ გოგოს დენმა დაარტყა, თუმცა ამ დროისთვის დამატებითი დეტალები უცნობია. სამართალდამცველებმა შემთხვევის ადგილი დატოვეს, ტერიტორია ამ დრომდე ყვითელი ლენტითაა შემოსაზღვრული.
ცნობისთვის, არასრულწლოვანი მეგობრებთან ერთად დედოფლისწყაროს ცენტრალური პარკის ხელოვნურ ტბაში საბანაოდ იმყოფებოდა, რა დროსაც მოულოდნელად შეუძლოდ გახდა. ის ტბიდან უგონო მდგომარობაში ამოიყვანეს.
თავდაპირველად უგონო მდგომარეობაში მყოფი გოგონა, დედოფლისწყაროს ცენტრალურ საავადმყოფოში გადაიყვანეს, სადაც ექიმებმა მისთვის გულის ამუშავება შეძლეს. შემდეგ მოზარდი თბილისში, ინგოროყვას სამედიცინო ცენტრში გადაიყვანეს.
შინაგან საქმეთა სამინისტროს ინფორმაციით, გამოძიება მომხდარ ფაქტზე, სისხლის სამართლის კოდექსის 115- ე მუხლით დაიწყო.
ერთ-ერთი ვერსიით, 15 წლის გოგოს დედოფლისწყაროს ხელოვნურ ტბაში დენმა დაარტყა.