“არ ვიცი ერთმანეთში როგორ მორიგდნენ, ვის უნდა დაბრალდეს (იმნაძეს თუ მალანიას), ჩვენი მოსამზადებელი ცენტრის მისამართის მიცემა პირსისხლიანი ალექსანდრე გაბაშვილისთვის, მაგრამ ფაქტია, მალანიას ადვოკატმა ანძების გამოკვლევისას ყურადღება გაამახვილა შემდეგზე:
“როგორც იმნაძის ჯგუფელებიც ადასტურებენ, იმნაძე ნამდვილად იყო 29-ში გიგას გაკვეთილზე.”-ო. “გაკვეთილის დასრულების შემდეგ სავარაუდოდ სწორედ ნია იმნაძეს შეხვდა ალექსანდრე გაბაშვილი იმ დღეს და მან მისცა გიგას მისამართი.”-ო. “თორემ გიორგი მალანია და ალექსანდრე გაბაშვილი 29 სექტემბერის საღამოს ერთმანეთს ვერ შეხვდებოდნენ, რადგან ერთი თემქაზე იყო, მეორე კი გლდანში.”-ო. გასაკვირი არაა, რომ მალანიას ადვოკატი ჩემსავით არ არის დაინტერესებული და ყველა ანძას ფეხდაფეხ არ(ვერც) დაივლიდა, მაგრამ შეიძლებოდა რუკაზე მაინც ეპოვა.
მე დღეს დავდექი ადგილზე, საიდანაც კარგად ჩანს ორივე ანძა, რომლებიც 29 სექტემბრის საღამოს აფიქსირებენ მალანიას და გაბაშვილის ტელეფონებს და შეძლებისდაგვარად გამოვაჩინე ამ პატარა ვიდეოში. ამ ტერიტორიაზე დაახლოებით ნახევარი საათის განმავლობაში იყო გაბაშვილი და მალანია ერთდროულად. გაბაშვილი და მალანია არაერთხელ შეხვდნენ ერთმანეთს. რამდენიც არ უნდა გვიმტკიცოს მალანიებმა, “ჩვენი ბოთე გიო” არ იცნობდა მკვლელ გაბაშვილსო, მაინც ვერავის დააჯერებენ, რომ სივრცეში და დროში ამდენჯერ დამთხვევა, შემთხვევითობაა,” – წერს გიგა ავალიანის დედა, ეკა კუპატაძე.
