გვიან ღამით ვაკეში, ტაბიძისა და რაზმაძის ქუჩების კვეთაზე საავტომობილო გზის ნაწილი ჩამოიშალა. წინასწარი ინფორმაციით, მიზეზი ტერიტორიაზე 9 სართულიანი კორპუსის მშენებლობაა, რის გამოც გზას მიწა აქვს გამოცლილი.
მძიმე ტექნიკის მუშაობის დროს ადგილზე ხალხმა ჯერ ძლიერი ბიძგები იგრძნო, რასაც გზის ჩავარდნა მოჰყვა. მიმდებარე სახლებიდან მოქალაქეებმა ევაკუაცია საკუთარი ნებით დაიწყეს. ადამიანები ამბობენ, რომ იქ ცხოვრება საშიშია.
ირკვევა, რომ მერია ინფორმირებული ჯერ კიდევ ერთი თვის წინ იყო, როცა ამავე ადგილზე მიწა პირველად ჩამოიშალა, მაგრამ ხალხმა, რომელიც შველას ითხოვდა, როგორც ჩანს, მთავრობის ყურადღება ვერ მიიქცია.